KASAGUTAN PARA SA MGA SEVENTH-DAY ADVENTISTS VERSE-BY-VERSE SA MATEO 5:43-47: "PUMALPAK NA SHUT-DOOR PROPHECY NI ELLEN G. WHITE: ANG CAMDEN VISION NOONG JUNE 29, 1851!"

Ang Tungkol sa "Camden Vision":

Yung "pangitain" daw ni Ellen G. White na tinatawag na Camden Vision, na sinasabing nangyari noong June 29, 1851, grabe ang sinasabi tungkol sa "Shut-Door" o pagsasara ng pintuan ng awa sa langit. Ibig sabihin daw, tapos na ang panahon para magbago ang mga taong hindi sumuporta sa mga Millerites noong "Great Disappointment" noong 1844. Sa pangitain na yun, mali ang intindi ni Ellen G. White sa Matthew 5:43–47. Akala niya, wala nang makukumbinsi na magbagong-buhay at tapos na ang pangangaral. Kaya naman, maraming Sabadista ang ayaw maniwala na si Ellen G. White talaga ang sumulat nun. Sabi nila, baka kalaban daw ang gumawa at pinalabas lamang na siya ang sumulat nito. Pero kung mapapatunayan na si Ellen G. White talaga ang sumulat nun, malinaw na katibayan ito na bulaang propeta talaga siya.  Ipapakita sa article na ito na yung 1851 Camden Vision ay galing mismo kay Ellen G. White at hindi gawa-gawa lamang ng mga kalaban.

Yung dokumentong Manuscripts. 1a, 1851—June 29, 1851, na gawa ni Ellen G. White sa Camden, New York, parte yan ng mga sulat at manuskrito na hawak ng Ellen G. White Estate. Sila yung nag-iingat ng lahat ng sinulat niya, mapa-published man o hindi. Eto ang buong nilalaman ng Camden Vision ni Ellen G. White noong June 29, 1851:

Camden, N.Y. June 29, 1851:

"Ipinakita ng Panginoon na, bilang tugon sa panalangin, inalis Niya ang Kanyang galit mula sa pangkat na ito, at maaari nilang makamtan ang mga ngiti ni Jesus kung sila'y mamumuhay nang may kababaang-loob at lalakad nang maingat sa harap ng Panginoon, at titiyakin sa bawat hakbang na kanilang gagawin na ang Diyos ang gumagabay sa kanila. Kapag ganito, ang pangkat ay magiging malakas at magiging sindak sa kanilang mga kaaway; at kailangang manatiling nagkakaisa ang pangkat.

Pagkatapos, nakita ko sina Kapatid na Wing at Kapatid na Hyatt—na sinusubukan ng kaaway na wasakin sila. Sila ay nananalangin para sa liwanag hinggil sa ilang mga talata ng Kasulatan, ngunit habang lalo silang nananalangin, lalo namang dumidilim ang kanilang paligid, at ang kaaway ay nagpapalaganap ng isang lambat ng kadiliman sa kanila. At nang halos lubos na silang masakop, sila ay napalaya—ang lambat ay nabasag, at sila ay nakatakas.

Nakita ko ang tunay na liwanag tungkol sa mga talatang ito atbp. Nakita ko na ang panunuyang ito ay ibinigay ni Jesus sa mga Pariseo at mga Hudyo, na puno ng pagpapakabanal sa sarili, at ang nais lamang nilang kausapin o batiin ay yaong mga katulad din nila sa pagpapakabanal at pagkukunwari; at lubos nilang pinapabayaan at nilalampasan ang mga hindi umaabot sa kanilang pamantayan, at ang mga hindi nakakatanggap ng pagbati sa pamilihan tulad nila.

Nakita ko na ito ay hindi naaangkop sa panahon natin ngayon. Pagkatapos, nakita ko na si Jesus ay nanalangin para sa Kanyang mga kaaway; ngunit hindi ito nangangahulugang tayo rin ay dapat manalangin para sa masamang mundo na itinakwil na ng Diyos—noong Siya ay nanalangin para sa Kanyang mga kaaway, may pag-asa pa para sa kanila, at sila ay maaaring makinabang at maligtas sa Kanyang mga panalangin, at maging pagkatapos ng Kanyang pagiging tagapamagitan sa panlabas na silid para sa buong mundo. Ngunit ngayon, ang Kanyang espiritu at simpatiya ay binawi na mula sa mundo; at ang ating simpatiya ay dapat makiisa kay Jesus, at dapat ding bawiin mula sa mga di-makadiyos.

Nakita ko na mahal ng Diyos ang Kanyang bayan—at bilang tugon sa mga panalangin, magpapadala Siya ng ulan sa mga matuwid at sa mga di-matuwid. Nakita ko na ngayon, sa panahong ito, dinidiligan Niya ang lupa at pinasisikat ang araw para sa mga banal at sa mga makasalanan sa pamamagitan ng ating mga panalangin, sa pamamagitan ng ating Amang nagpapadala ng ulan sa mga di-matuwid, habang ipinadadala rin Niya ito sa mga matuwid.

Nakita ko na ang mga masama ay hindi na maaaring makinabang sa ating mga panalangin ngayon—at kahit na ipinapadala Niya ito sa mga di-matuwid, darating pa rin ang kanilang araw ng paghuhukom. Pagkatapos, nakita ko na ang talatang iyon sa Kasulatan ay hindi tumutukoy sa mga masamang itinakwil na ng Diyos na dapat nating mahalin, kundi tumutukoy ito sa ating mga kapitbahay sa sambahayan at hindi lumalampas sa hangganan ng sambahayan.

Ngunit, nakita ko na hindi natin dapat gawan ng anumang kasamaan ang mga masama sa ating paligid—ngunit ang ating mga kapitbahay na dapat nating mahalin ay yaong mga nagmamahal sa Diyos at naglilingkod sa Kanya."

(Nilagdaan) E. G. White.

Kinopya ni R. R. Chapin

(sa akin ang pagsasalin sa Tagalog)

Pag-usapan natin yung sinasabing panguitaing ito at hatiin natin sa tatlong parte:

1.) Grabe ang Sabi Tungkol sa Shut-Door o Pagsasara ng Pintuan ng Awa ng Langit:

Ayon sa pangitain ni Ellen G. White, hindi na daw kailangan sundin ng mga Adventists yung panalangin ni Jesus para sa mga kaaway niya. Kasi daw, yung mga hindi nila kasama sa pananampalataya, hinusgahan na sila ng Diyos dahil sa mga kasalanan nila nung nagsara na ang "pintuan ng awa" noong October 22, 1844. Sabi ni Ellen White sa panaginip niya, inalis na ni Jesus yung "espiritu at awa" niya sa mundo nung araw na yun, kaya daw hindi na makikinabang yung mga "masasamang tao" sa mga panalangin ng mga Adventists.

2.) Maling Pag-Intindi sa Matthew 5:43-47:

Sa pangitain din na 'to, sinabi ni Ellen G. White na hindi na daw applicable sa panahon niya yung pag-saway ni Kristo sa mga Hudyo at Pariseo sa Matthew 23. Sinabi niya 'to para hindi isipin na nagmamataas ang mga Adventists noon, kasi nga hiwalay sila at hindi nakikisama sa mga tinatawag nilang "masama" at "hinusgahan ng Diyos" nung nagsara ang pinto ng awa noong October 22, 1844.

Nagbigay din ng paliwanag ang pangitaing na 'to kung sino yung tinutukoy na "kapwa" sa Matthew 5:43 ("Ibigin mo ang iyong kapwa"). Sabi ni Ellen G. White, "Ang ating mga kapwa na dapat nating mahalin ay yung mga nagmamahal sa Diyos at naglilingkod sa Kanya," at ang ibig niyang sabihin ay ang ating mga "kapwa sa loob ng sambahayan at hindi lumalampas sa sambahayan." Pero, tandaan natin na yung pag-intindi niya sa Matthew 5:43 ay galing sa pangitain niya, hindi sa mismong konteksto ng Bibliya, na iba ang sinasabi. Sa Matthew 5:47, sinabi ni Jesus, At kung ang mga kapatid lamang ninyo ang inyong babatiin, ano ang kalabisan ng inyong ginagawa? hindi baga gayon din ang ginagawa ng mga Gentil?" Ang mga salitang ito ni Jesus ay direktang sumasalungat sa isang bulaang propetang tulad ni Ellen G. White, na nagtuturo na ang "kapwa" ay tumutukoy lamang sa mga nasa loob ng kanilang sambahayan at hindi lumalampas dito. Dahil hindi siya tunay na propeta ng Diyos at ang kanyang panaginip ay produkto lamang ng kanyang imahinasyon, humahantong ito sa isang mapanganib na maling interpretasyon ng Salita ng Diyos. Nagbabala ang Diyos sa atin sa Jeremias 23:16:

"Ganito ang sabi ng Panginoon ng mga hukbo, Huwag ninyong dinggin ang mga salita ng mga propeta na nanganghuhula sa inyo: sila'y nangagtuturo sa inyo ng walang kabuluhan; sila'y nangagsasalita ng pangitain ng kanilang sariling puso, at hindi mula sa bibig ng Panginoon."  (Jer 23:16)

Dahil sa pangitain ni Ellen G. White, sinabi niya na yung pag-saway ni Kristo sa mga mapagpanggap na Hudyo ay hindi na daw uso sa panahon niya. Kaya ang nangyari, pwede nang maging katulad ng mga mapagpanggap na Pariseo ang mga Adventists noon, na nagmamahal lang sa mga kasama nila sa relihiyon. Sabi din ilan ngayon, ganito pa rin daw ang mindset ng karamihan sa mga Sabadista ngayon.

3.) Inangkin ni Ellen G. White na Galing sa Diyos na Pangitain:

Sa pangitain na 'to, 10 beses niyang sinabi na "Nakita ko," na madalas niyang gamitin kapag sinasabing may pangitain siya galing sa Panginoon, at pinapakita niya na propeta siya. Yung kapalpakan niya sa pangitain na 'to, ay nakakaduda talaga sa totoong mensahero siya mula sa Diyos, tulad ng ipapakita natin mamaya. Yung babala ni Propeta Jeremias, tugma sa mga duda natin kay Ellen G. White bilang bulaang propeta.

"Nang magkagayo'y sinabi ng Panginoon sa akin, Ang mga propeta ay nanghuhula ng kasinungalingan sa aking pangalan; hindi ko sila sinugo, o inutusan ko man sila, o nagsalita man ako sa kanila: sila'y nanganghuhula sa iyo ng sinungaling na pangitain, at ng panghuhula, at ng bagay na wala, at ng daya ng kanilang sariling puso."  (Jer 14:14)

Usap-usapan Kung Totoo Ba Talaga

Hindi hawak ng Ellen G. White Estate yung mismong original na sulat ng pangitain, mga kopya lang meron sila. Kahit may pirma na "E. G. White," sabi ng Estate, hindi daw totoo 'yon, parang hindi daw nakita o nailathala ni Ellen G. White. Sa kopya na nasa E. G. White Research Center sa Andrews University, may nakasulat na "spurious" (peke) sa harap na pahina, naka-red pencil pa. Tapos, may sulat-kamay na note pagkatapos ng "R.R. Chapin," sabi, "Iniwan niya ang paniniwala niya at naging matinding kritiko, at may mga parte ng pangitain na nagpapaniwala sa amin na hindi ito tumpak na salaysay - A. L. White."

Yung paliwanag ni Arthur L. White, ginagamit niya yung "genetic fallacy," ibig sabihin, binabasura o tinatanggap yung argumento o impormasyon dahil lang sa pinanggalingan nito, at hindi sa mismong nilalaman nito. Dapat nating suriin yung 1851 Camden Vision batay sa nilalaman nito, hindi kung sino ang nagsabi. Sa tagal ng panahon, kapag may nagtatanong tungkol sa pangitaing ito sa Estate, ang sagot ng mga trustees ay peke daw 'yon. Ginawa ni D. E. Robinson yung mga paliwanag na 'yon bilang standard na sagot [1], at ganun din ang sagot ni F. L. Wilcox noong 1941.

Ang paliwanag nila ay ganito:

• Sabi nila, si R. R. Chapin daw ang gumawa ng pangitain, yung lalaking umalis sa Adventist church noong 1854.
  
  
• Wala daw ibang "grabe" na sinabi si Ellen G. White tungkol sa Shut-Door noong October 22, 1844 sa kahit anong sulat niya na nailathala.
  
  
• Ayon kay D. E. Robinson, yung dokumento daw ay may petsang 1851, taon kung kelan wala na si Ellen White sa Camden, New York.
  
  
• Nung nasa Camden, New York si Ellen G. White noong 1850, nagkaroon siya ng pangitain, pero tungkol yun sa isang babaeng imoral.

• Si Brother Preston, na nakasaksi nung pangitain noong 1850, sabi niya, tungkol lang yun sa babaeng yun, hindi tungkol sa mga makasalanan sa pangkalahatan.
  
  
• Noong 1885, binanggit ni J. N. Loughborough ang isang dokumento na sinasabing Camden Vision, sinasabi niya na hindi niya ito tinuturing na totoo.

Binanggit din ni F. D. Nichol yung pangitain, nagbigay ng paliwanag tungkol sa pagkalito sa dalawang beses pagbisita ni Ellen G. White sa Camden, New York. Yung pangitain noong 1850 sa Camden ay tungkol sa isang imoral na babae. Noong June 21, 1851, nagkaroon ng pangitain si Ellen G. White tungkol sa pagtatakda ng oras, at hawak ng Estate ang original na sulat nun. Yung pinagtatalunang panaginip ay may petsang June 29. [2]

Totoo ang June 29, 1851 Camden Vision

May dalawang mapagkakatiwalaang saksi na makakapagpatunay na totoo ang June 29, 1851 Camden Vision ni Ellen G. White, at hanggang ngayon, hindi pa rin 'to pinapabulaanan ng Ellen G. White Estate. Hindi sila mga kritiko, kundi mga tapat na mga Sabadista at respetadong tao sa loob ng organisasyon. Sila ay sina Uriah Smith at Dr. Gilbert Valentine.

Uriah Smith

Si Uriah Smith ay isang kilalang Seventh-day Adventist na manunulat, editor, at pioneer. Respetado siya sa simbahan, lalo na dahil sa trabaho niya bilang editor at manunulat ng "Review and Herald" magazine. Sumulat din siya ng ilang libro at malaki ang naging papel niya sa pagbuo ng mga paniniwala at aral ng Seventh-day Adventist noong unang panahon. Ang pakikipagtulungan niya kay Ellen G. White at ang impluwensya niya sa simbahan ang dahilan kung bakit siya naging mahalagang tao sa paghubog ng mga paniniwala at literatura ng denominasyon.

Dr. Gilbert Valentine

Si Dr. Gilbert Valentine naman ay malaki ang naitulong sa edukasyon at pananaliksik sa kasaysayan ng Adventist. Nagturo at nagkaroon siya ng posisyon sa administrasyon sa mga bansa tulad ng New Zealand, Australia, Pakistan, England, Thailand, at United States. Kilala si Dr. Valentine bilang magaling na manunulat at historian. Propesor at chairman siya ng Department of Administration and Leadership sa La Sierra University sa Riverside, California, at isa rin sa mga nag-ambag sa The Ellen White Encyclopedia. Kasama sa mga kilalang gawa niya ang biography ng Adventist pioneer na si J. N. Andrews at mga libro tungkol sa iba pang kilalang Adventist figures, tulad ni W. W. Prescott. Malaki ang naitulong ni Dr. Valentine sa pagpapaliwanag ng mga myths at maling akala tungkol kay Ellen G. White at sa pag-unlad ng simbahang Sabadista. Ang dedikasyon niya sa kasaysayan ng Adventist ay nakakatulong para maintindihan natin ang nakaraan at magkaroon ng pagpapahalaga at respeto sa loob ng komunidad ng simbahan.

Ang pananaw nila tungkol kay Ellen G. White ay hindi galing sa bias o galit laban sa kanya o sa SDA Church. Kaya ang posisyon nila na totoo ang June 29, 1851 Camden vision ay napakahalaga at mapagkakatiwalaan. Dahil sila ay tapat at objective, kahit pa ang paninindigan nila ay salungat sa posisyon ng SDA Church tungkol sa June 29, 1851 Camden Vision.

Noong 1868, sumulat si Uriah Smith ng librong tinatawag na "The Visions of Mrs. E. G. White" para ipagtanggol ang ministeryo ni Ellen G. White bilang propetang sa Diyos. Sinagot ni Smith ang iba't ibang objections sa mga pangitain ni Mrs. White sa libro at nagbigay ng detalyadong sagot. Isa sa mga objections na sinagot niya ay ang tungkol sa Shut Door, at tinalakay niya ang mga sinabi ni Ellen White tungkol sa paksa. Sa pahina 27-40 ng libro niya, tinalakay ni Smith ang ilang sinabi na nagpapahiwatig ng pagtanggap sa Shut Door doctrine. Pero, sinabi niya na hindi malinaw na sinusuportahan ng mga sinabi na 'yon ang doctrine.

Ipinaliwanag din ni Smith ang dahilan kung bakit niya pinili ang pitong sinabi sa ibaba. Sinabi niya na sasagutin lang niya ang mga totoong dokumento na may mga sumusunod na criteria:

"Maraming kumakalat na sinasabing galing daw sa mga pangitain, pero wala talaga silang kinalaman doon... Kaya ang tamang gawin lang talaga natin ay mag-stick sa mga isinapubliko mismo ni Sister White, yung may pahintulot niya, at yung mga manuscript na siya mismo ang lumagda at sumulat."[3]

Isa-isa niyang pinabulaanan ang mga sumusunod na punto:  

• "Nakita ko na natapos na ni Jesus ang kanyang pagiging tagapamagitan sa banal na lugar noong 1844."
  
  
• "Pumasok na siya sa kabanal-banalan, kung saan umaabot ngayon ang pananampalataya ng Israel."
    
• "Binawi na niya ang kanyang Espiritu at simpatiya mula sa mundo, at dapat sumang-ayon ang ating simpatiya sa kanya."
  
  
• "Hindi na mapapakinabangan ng mga makasalanan ang ating mga panalangin ngayon."
  
  
• "Ang masamang mundo na itinakwil na ng Diyos."
  
  
• "Parang buong mundo ay nahulog na sa patibong ng Spiritualism, na parang wala nang matitira ni isa man."

Para ipagtanggol na totoo yung pangitain, sinabi ni Smith na kampante siya na totoo yung June 29, 1851 Camden Vision, na Gtiwala siyang gawa talaga ni Ellen G. White yun, at nakita niya talaga yung mga sinasabi dun. Kaso, yung mga kritiko niya, mali ang intindi sa tatlong sinabi sa taas na galing sa June 29, 1851 Camden Vision. Kaya, para kay Uriah Smith, yung Camden Vision ni Ellen G. White noong June 29, 1851 sa Camden, New York, ay totoong dokumento. Sa pitong punto na sinabi niyang dapat meron para masabing totoo, kasama niya yung tatlong sinabi ni Ellen G. White na galing lang sa 1851 Camden Vision. Narito ang tatlong criteria niya:

a.) "nailathala sa ilalim ng sariling pangangasiwa ni Sister White"

b.) "sa kanyang sariling awtoridad"

c.) "kung ano ang lumalabas sa manuskrito na may sarili niyang pirma sa sarili niyang sulat-kamay."

Kung peke talaga ang June 29, 1851 Camden Vision, hindi niya isasama yung apat na sinabi na galing dun! May iba pang ebidensya sa libro ni Smith na nagpapakita na noong buhay pa si Ellen G. White, tinanggap ng mga pioneers ang pangitaing ito  bilang totoo. Yung libro ni Smith, nagsimula bilang mga serye ng artikulo sa Review and Herald. Malinaw sa artikulo niya tungkol sa Shut Door na akala ni Smith, alam ng mga nagbabasa ng Review na totoo ang Camden Vision. Bago nailathala ang mga artikulo, pinag-aralan ng mabuti ng mga kilalang kapatid yung mga artikulo ni Smith. Ang sabi nila:

"Ang manuskripong ito ay inihanda bago ang ating huling kumperensya, ngunit hindi agad ito inilathala hangga't hindi muna naipapasa sa mga kapatid na ministro... upang sila ang magpasya kung ito ba ay may kabuluhan at kung ano ang dapat gawin dito. Sinuri nila ito at nakuha nito ang kanilang pagsang-ayon...

Karamihan ng manuskripto ay binasa rin sa isang pinagsamang sesyon ng General at Michigan State Conferences, kung saan ginawa ang sumusunod na hakbang:

Napagpasyahan: Na kami, mga miyembro ng General at Michigan State Conference, matapos marinig ang bahagi ng manuskripong binasa... ay taos-pusong nagpapahayag ng aming lubos na pagsang-ayon...

Napagpasyahan din: Na ipinaaabot namin ang aming pasasalamat kay Kapatid na Smith para sa kanyang mahusay na pagtatanggol sa mga pangitain...[4](sa akin ang pagsasalin sa Tagalog)

Dahil hindi tumutol si Ellen G. White sa pagtatanggol ni Smith sa Camden Vision, tinanggap niya na nagkaroon talaga siya ng pangitain na yun. Tsaka, malamang na binasa niya yung Review, kasi nga kinopya niya yung mahabang parte ng sagot ni Smith tungkol sa Shut Door nung sinusulat niya yung Great Controversy.[5] Nung ipinagtatanggol ni Uriah Smith si Ellen G. White laban sa mga "grabe" na mga sinabi niya tungkol sa Shut Door galing sa Camden Vision, ang pinakamadaling gawin sana niya ay sabihin na lamang na hindi talaga nagkaroon ng ganoong pangitain si Ellen White. Pero hindi niya ginawa yun dahil naniniwala siyang totoo ang June 29, 1851Camden Vision.

Sa kanyang article na "The Camden Vision Genuine," si Dr. Gilbert Valentine, isang Australian SDA scholar at historian ng simbahan, nagbigay ng maraming matibay na argumento para patunayan na totoo ang June 29, 1851 Camden Vision ni Ellen G. White. Isa sa mga importanteng punto na binanggit ni Valentine ay yung pagtatanggol ni Uriah Smith, isang kilalang tao sa Seventh-day Adventist Church, sa pagiging totoo ng Camden Vision. Ang depensa ni Smith ay base sa mga specific criteria para masabi kung totoo ang mga panaginip, kasama na yung mga nailathala sa ilalim ng pangangasiwa ni Ellen White o yung mga sulat-kamay niya. Dagdag pa, sinama ni Smith ang mga sinabi mula sa Camden Vision sa kanyang mga diskusyon, na nagpapakita na kinikilala niya ang pagiging totoo nito. Binanggit din ni Valentine na ang Camden Vision ay tinanggap bilang totoo ni Ellen White at ng mga unang Adventist pioneers noong nabubuhay pa siya. Ang kawalan ng anumang public denial o pagtanggi sa pangitain ni Ellen White o ng mga kasabayan niya, kahit ginamit ito sa mga kritisismo laban sa kanya, ay nagpapatibay pa lalo sa pagiging totoo nito.

Bukod dito, parehong ang Camden Vision at ang depensa ni Smith dito ay dumaan sa masusing pagsusuri at nakakuha ng approval mula sa mga kilalang tao sa simbahan. Ang mga artikulo ni Smith, na unang nailathala sa Review and Herald, ay pinag-aralan ng mabuti ng mga ministering brethren at inaprubahan nila ito. Ipinapakita nito ang malawak na pagtanggap sa pagiging totoo ng pangitain sa mga lider ng simbahan ng Sabadista. Ang komprehensibong analysis ni Dr. Valentine at ang mga karagdagang ebidensya ay nagpapatunay na ang Camden Vision ay talagang itinuring na totoo ng mga maimpluwensyang tao sa loob ng Seventh-day Adventist Church at may historical significance.

Mga Pagtutol ng Ellen G. White Estate

Eto ang opisyal na sagot mula sa Ellen G. White Estate Inc., na makikita sa Ellen G. White Letters and Manuscripts, Volume 1, page 915, sa ilalim ng pamagat na Manuscriptss 1a, 1851—June 29, 1851, Camden, New York. Tungkol ito sa relasyon ng mga tao ng Diyos at ng mga hindi makadiyos.

Pagtutol#1: "Walang original na sulat ni Ellen White. Matagal nang pinagtatalunan ang pangitain dahil sa grabe nitong sinasabi tungkol sa Shut Door. Dalawang bersyon ang kinikilala."

Sagot:

Hindi sapat na dahilan ang kawalan ng original na kopya ng June 29, 1851 Camden Vision para sabihing peke ito. Kung ganyan ang iisipin natin, pati ang Bibliya ay mapagdududahan natin, kasi wala ring original na manuskrito nito ngayon. Inamin din ng Ellen G. White Estate na mahirap patunayan ang pagiging totoo ng kahit anong nawawalang original na kopya, kasama na ang Camden Vision.

Ayon sa opisyal nilang pahayag:

"Kinilala ng White Estate na ang kawalan ng orihinal na dokumento ni Ellen White ay hindi nangangahulugang peke na agad ang isang pangitain. Gayunpaman, napagdesisyunan na kung may maaasahang ebidensya upang tanggapin ang mahalagang nilalaman ng alinman sa mga pangitaing ito, dapat samahan ng isang disclaimer ang ulat patungkol sa katumpakan ng mga pahayag o salita, dahil tanging mga kopya na lamang ang mayroon—at madalas ay may iba't ibang bersyon pa."[EGW Letters and Manuscripts, Vol. 1, p. 914] (sa akin ang pagsasalin sa Tagalog)

Ipinaliwanag pa ng The Ellen White Encyclopedia:

"Bagaman kinikilala na ang kawalan ng orihinal na manuskripto ay hindi naman agad nangangahulugang peke ang isang pangitain ni Ellen White, nag-iingat pa rin sa pagtanggap sa nilalaman at mga salita ng mga kinopyang ulat."  [The Ellen White Encyclopedia, p. 795-796]

Katulad ng ginawa natin kanina, kinuha natin yung mga sinabi ni Uriah Smith mula sa libro niyang "The Visions of Mrs. E. G. White" bilang mapagkakatiwalaang ebidensya para tanggapin ang mahalagang laman ng kahit alin sa mga panaginip na ito. Nakakatulong ito para mapatunayan na totoo ang June 29, 1851 Camden Vision ni Ellen G. White. Dahil dito, napagdesisyunan natin na ang nilalaman ng Camden Vision ay talagang galing sa diumano ay pangitain ni Ellen G. White.

Pagtutol#2: "Mali ang petsa kasi hindi tugma sa schedule ni Ellen White. Ayon sa records, nasa Camden lang ang mga White mula June 18 hanggang June 23 (tingnan ang schedule na nailathala sa Review and Herald, June 9, 1851)."

Sagot:

Si Dr. Gilbert Valentine, isang historian ng simbahan, propesor, at chairman ng Department of Administration and Leadership sa La Sierra University sa Riverside, California, at contributor sa "The Ellen White Encyclopedia," sabi niya, hindi sapat na dahilan ang maling petsa ng June 29, 1851 Camden Vision para sabihing peke ito. Gumawa siya ng malalim na research na pinamagatang "Camden Vision Reconsidered," at malaki ang maitutulong nito para mas maintindihan natin ang tungkol dito.

"Ito ay nag-iiwan ng natitirang isyu tungkol sa petsang Hunyo 29, 1851. Dahil may mga iba pang dokumento sa mga White Estate files na kailangang muling itama ang petsa at i-refile dahil mali ang naitalang petsa kalaunan, maaaring hindi naman ito isang seryosong problema.n May dalawang posibleng paliwanag dito:  Una, dahil nasa Camden si Ellen White mula Hunyo 18-23, 1851, maaaring ang Hunyo 29 ay simpleng maling pagkopya ng mga numero 20, 21, o 22.  Pangalawa, maaaring isinulat lamang ang pangitain pagkatapos ng mismong pangyayari habang si Ellen White ay nasa kalapit na West Milton, at ang petsang Hunyo 29 ay naitala base sa kasalukuyang petsa noon, kahit na mas maaga pa talagang natanggap ang pangitain.”  [G.M. Valentine, Camden Vision Reconsidered, binanggit sa The Shut Door and the Sanctuary-Historical and Theological Problems]

Sa footnote #448 ng research paper ni Dr. Valentine, may binigay siyang example ng manuskrito ni Ellen White na may kaparehong problema sa petsa, pero tinanggap pa rin ng White Estate Inc. 

"Footnote #448: Halimbawa, tingnan ang isinulat ni Lyle Heise, “The Christology of Ellen G. White Letter 8, 1895: An Historical and Contextual Study”, isang term paper sa E. G. White Research Center, Andrews University.  Ang liham na nakalista bilang Letter 8, 1895 ay may petsang isinulat noong Pebrero 9, 1896, at kinopya noong Pebrero 12, 1896.”  [G.M. Valentine, Camden Vision Reconsidered, binanggit sa The Shut Door and the Sanctuary-Historical and Theological Problems]

Pagtutol #3: "Ang nag-iisang source lang ng panaginip ay kopya na galing kay R. R. Chapin, isa sa mga kalaban ni Ellen White."

Sagot:

Madalas 'tong argumentong ginagamit ng mga tagapagtanggol na mga Sabadista, lalo na yung mga hindi masyadong familiar sa Camden vision at sa mga sulat ni Ellen White. Pero, walang basehan 'tong argumentong 'to at minsan, pwede pa ngang ituring na "genetic fallacy" na argument, na pinag-usapan natin kanina. Napansin ni Dr. Gilbert Valentine na yung concern tungkol sa source nito, yung kinopya ni R. R. Chapin na kritiko ni Mrs. White, ay hindi lumutang noong panahon ng mga pioneers. 

"Kahit na alam ng mga 'ministering brethren' na ang aklat nina Snook at Brinkerhoff na nagbabanggit sa Camden vision, at kahit na ang tugon ni U. Smith na gumagamit din ng Camden vision ay sinuri nang maigi bago ilathala, wala namang binanggit na ang pangalan ni R. R. Chapin ay naging sanhi ng anumang problema. Mukhang may ilang mga pangunahing kapatid na alam ang pag-alis ni Chapin sa simbahan noong 1854 at ang kanyang mga pag-atake, ngunit hindi ito naging isyu. Kaya naman, maaaring ang pangalan ni Chapin na nakakabit sa pangitain ay hindi itinuturing na problema, o baka naman may iba pang mga kopya ng pangitain na wala ang pangalan ni Chapin."[G.M. Valentine, Camden Vision Reconsidered, binanggit sa The Shut Door and the Sanctuary-Historical and Theological Problems, Appendix XVIII]

Madalas sabihin ng mga nagtatanggol kay Ellen G. White na dahil walang original na kopya ng Camden vision sa archive ng White Estate Inc., ay peke daw yung sinasabing pangitain. Pero, may isa pang dahilan kung bakit hindi makita ang ilang kopya ng mga sulat ni Mrs. White: marami sa mga unang publikasyon niya ang nawala dahil sa palagi niyang paglalakbay.

Sabi ni Dr. Gilbert Valentine:

"Maaaring may tunay na teksto na kilala kung saan kinopya ni Chapin, at maaaring ipaliwanag ito ng katotohanang maraming mga naunang publikasyon ni Ellen White mula 1851 pababa ang nawala dahil sa palagian niyang paglalakbay. Tingnan ang MS 4, 1883. Ito rin marahil ang dahilan kung bakit ang orihinal na teksto ng pangitain ay hindi na matatagpuan sa White Estate." [G.M. Valentine, Camden Vision Reconsidered, binanggit sa The Shut Door and the Sanctuary-Historical and Theological Problems, Appendix XVIII, p.83]

Eto ang paliwanag ni Ellen G. White sa MS 4, 1883, na sinipi ni Dr. Valentine sa Footnote #445 ng "The Camden Vision Reconsidered":

"Dahil sa madalas naming paglilipat ng lokasyon noong mga unang taon ng aming gawain sa pagpapalathala, at dahil na rin sa halos walang tigil kong paglalakbay—mula Maine hanggang Texas, mula Michigan hanggang California—at hindi bababa sa labing-pitong beses na pagtawid ko sa mga kapatagan, nawala ang lahat ng bakas ng aking mga unang nailathalang akda... Dito, nais kong banggitin na kung sinuman sa ating mga kapatid ang may kopya ng alinman o lahat ng aking mga unang pangitain na nailathala bago ang 1851, malaking tulong ito sa akin kung ipapadala nila ito agad sa akin. Ipinapangako kong ibabalik ang mga ito sa lalong madaling panahon matapos makagawa ng kopya." [4LtMs, Ms 4, 1883]

Dapat nating tandaan na nung mga panahong yun, humihingi si Mrs. White sa mga kapatid ng kopya ng mga nawawala niyang sulat, kasama na yung mga "nailathala bago ang 1851." Dahil ang petsa ng Camden Vision ay June 29, 1851, posibleng mas maaga pa itong naisulat, o baka yung petsa na yun ang araw kung kailan ginawa ang kopya ng nawawalang original (na bago pa ang 1851)."

Pagtutol#4: "Sinagot ni Uriah Smith yung mga kontrobersyal na sinabi na galing daw sa 'Camden vision' sa librong The Visions: Objections Answered (1868). Parang sinasabi niya na tinanggap niya na totoo yung panaginip, pero medyo nag-alinlangan siya nung sinabi niyang sinama niya lahat ng sinabi tungkol sa 'Sht Door' na 'sinasabing galing sa kahit anong panaginip, nailathala man o hindi' (p. 28; may italics)."

Sagot:

Kahit sabihin pa ni Uriah Smith na yung mga kontrobersyal na sinabi na tinutukoy niya ay hindi galing sa Camden Vision, kundi sa lahat ng sinabi tungkol sa 'Shut Door' na 'sinasabing galing sa kahit anong pangitain, nailathala man o hindi,' hindi 'to matibay na dahilan para tanggalin ang 1851 Camden Vision ni Ellen G. White. May mga sinabi din tungkol sa 'Shut Door' sa Camden Vision; ang importante, si Ellen G. White mismo ang sumulat nito, at pinirmahan niya ito, nailathala man o hindi.

Noong nabubuhay pa siya, si Uriah Smith ay isa sa mga pinagkakatiwalaang katrabaho ni Ellen White at matinding tagasuporta ng kanyang halos 70 taong ministeryo. Ayon sa The Ellen White Encyclopedia p. 684:

"Sa buong buhay niya, matibay na ipinagtanggol ni Uriah Smith sa kanyang mga isinulat ang gawain ni Ellen White bilang espesyal na mensahero ng Diyos na may kaloob ng propesiya. Sa kanyang aklat noong 1868 na The Visions of Mrs. E. G. White, ipinakita niya ang mga dahilan ng kanyang tiwala sa banal na tawag ni Ellen White... Malapit ang koneksyon ni Uriah Smith kay Ellen White. Madalas silang magkasamang naglalakbay at nagtuturo sa mga pagtitipon ng mga Adventista sa iba't ibang lugar at pagkakataon. Kahit nagkaroon sila ng ilang hindi pagkakaunawaan, ipinahayag pa rin ni Ellen White ang kanyang tiwala kay Smith matapos ang kanyang mga pag-amin at sinabi niya na dapat manatili si Smith bilang editor ng Review hangga't kaya pa niyang magsulat."[The Ellen White Encyclopedia, p. 684]

Hindi maitatanggi na sumulat si Uriah Smith ng libro para ipagtanggol ang mga pangitain ni Ellen, at malawak ang paniniwala na mapagkakatiwalaan ito. Binanggit din sa Ellen White Encyclopedia ang titulo ng libro ni Uriah Smith noong 1868, "The Visions of Mrs. E.G. White, A Manifestation of Spiritual Gifts According to the Scriptures," kung saan isa-isa niyang sinagot ang lahat ng objections ng mga kritiko ni Ellen White noong panahon niya.

Pagtutol #5: "Tsaka, nung panahong 'to (June 1851), hindi na naniniwala si Ellen White na tapos na ang panahon para magbago ang mga hindi Millerites—ang 'Shut Door' ay para lang daw sa mga sinadyang tanggihan ang mensahe ng Ikalawang Pagdating (tingnan ang Lt 4, 1850 [Feb. 18], at ang introductory article na 'The ‘Shut Door’ and Ellen White's Visions')."

Sagot:

Sinalungat yan mismo ng June 29, 1851 Camden Vision, na nagpapakita na hanggang noong June 29, 1851, naniniwala pa rin si Ellen G. White sa 'Shut Door'(tapos na ang panahon para magbago noong 1844). Patuloy na nagkakanya-kanya ng opinyon ang mga SDA theologians tungkol dito, at isa 'to sa mga dahilan kung bakit tinanggal at binago ni James White ang ilang sinabi niya tungkol sa 'Shut Door'.

"Hanggang sa tag-araw ng 1851, itinuturing ng ating mga naunang pionero na ang kanilang gawain ay nakatuon lamang sa 'the little flock' habang ang mga hindi mananampalataya ay itinuturing na naiwan sa labas ng kadiliman mula nang magsara ang pintuan noong 1844. Noong 1851 at 1852, nang muling ilathala ni James White ang ilan sa kanyang mga naunang artikulo, inalis o binago niya ang ilang mga pahayag niya noon tungkol sa shut door."  [D. Ford, Daniel 8:14, The Day of Atonement and the Investigative Judgment, p. 372]

Pagtutol #6: "Sa ngayon, kulang pa raw ang ebidensya para masabi ng White Estate na totoo yung sinasabing panaginip."

Sagot:

Sabi nila kulang ang ebidensya, pero hindi 'yan totoo. Sa mga ebidensya na nabanggit natin, malinaw na marami silang hindi pinansin na ebidensya tungkol dito. Balikan natin ang konklusyon ni Dr. Gilbert Valentine:

"Bagaman ang Camden vision ay malinaw na isang dokumentong may malaking kaugnayan sa buong usapin ng 'Shut-door', ang pagiging tunay o peke nito ay hindi dapat batay sa kung mas madali o mas kumbinyente na ituring itong peke, kundi sa bigat ng mga ebidensya. Batay sa mga ebidensyang tinalakay dito, may sapat na dahilan upang tanggapin ang pangitain bilang tunay."

Basically, ang gusto ni Dr. Valentine, maging maingat tayo sa pag-aaral, na suriin natin nang mabuti ang mga ebidensya, imbes na magdesisyon agad-agad dahil lang sa gusto natin o sa kung ano ang paniniwala natin. Pinapakita niya na importante ang pag-iisip nang malalim sa mga usapan tungkol sa kasaysayan at teolohiya.

Conclusion:

Nagbabala si Apostol Pablo tungkol sa mga bulaang guro o propeta na nagtuturo ng ibang ebanghelyo sa Galacia 1:8:

"Datapuwa't kahima't kami, o isang anghel na mula sa langit, ang mangaral sa inyo ng anomang evangelio na iba sa aming ipinangangaral sa inyo, ay matakuwil."  (Gal 1:8)

Ang maling turo ni Ellen G. White tungkol sa pagtatapos ng panahon para magbago noong October 22, 1844, ay maituturing na "ibang ebanghelyo" dahil nagbibigay ito ng maling impormasyon tungkol sa tunay na katangian ng ating Panginoong Jesus. Binabaluktot nito ang tunay na mensahe ng kaligtasan at ipinapakita ang isang Diyos na walang awa at pagmamahal sa mga taong nasa ilalim ng impluwensya ng kasalanan. Salungat ito sa mapagmahal na Diyos na inilarawan sa Juan 3:16.

"Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan."  (Joh 3:16)

Tandaan natin, ang pagmamahal ng Diyos ay hindi lang para sa mga "nagmamahal sa Diyos at naglilingkod sa Kanya," tulad ng turo ni Mrs. White, kundi para sa lahat ng "tao sa sanlibutan" (hindi lang sa mga kasama sa sambahayan ng Diyos) na ayon sa Kasulatan ay "mga kaaway ng Diyos" (Roma 5:10), habang tayo ay "mga makasalanan" pa (Roma 5:8) at "mga mahihina" (Roma 5:6). Hindi kailangan muna nating maging mabuting tao para mahalin tayo ng Diyos. Ito ay kakaibang uri ng pagmamahal na galing sa langit, at ito ang uri ng pagmamahal na gusto ni Kristo na makita sa bawat isa sa atin. Tinawag niya itong "sakdal na pag-ibig."

"Kayo nga'y mangagpakasakdal, na gaya ng inyong Ama sa kalangitan na sakdal."  (Mat 5:48)

Paano ipinakita ng Diyos Ama ang Kanyang sakdal na pag-ibig sa atin?

"Upang kayo'y maging mga anak ng inyong Ama na nasa langit: sapagka't pinasisikat niya ang kaniyang araw sa masasama at sa mabubuti, at nagpapaulan sa mga ganap at sa mga hindi ganap. Sapagka't kung kayo'y iibig sa nangagsisiibig lamang sa inyo, ano ang ganti na inyong kakamtin? hindi baga gayon din ang ginagawa ng mga maniningil ng buwis? At kung ang mga kapatid lamang ninyo ang inyong babatiin, ano ang kalabisan ng inyong ginagawa? hindi baga gayon din ang ginagawa ng mga Gentil? Kayo nga'y mangagpakasakdal, na gaya ng inyong Ama sa kalangitan na sakdal." (Mat 5:45-48)

Ito ang tunay na diwa ng ebanghelyo: ang pagmamahal ng Diyos sa atin ay walang hanggan at walang limitasyon sa oras o sa kalendaryo. Ito ang pundasyon ng tunay na ebanghelyo."

References:

[1] That Alleged Camden Vision. www.ministrymagazine.org/archive/1943/03/that-alleged-camden-vision.

[2] Nichol, F. D. "Ellen White, and Her Critics." USA, Review and Herald Publishing Association, 1951., p. 615-619).

[3] Smith, Uriah. The Visions of Mrs. E. G. White, Manifestations of Spiritual Gifts According to the Scriptures. USA, Battle Creek: Seventh-day Adventist Publishing Association, 1868, pp. 20-41

[4] Review and Herald, June 12, 1866, p. 16.

[5] Ellen White, Great Controversy, pp. 428 to 431.