Totoo bang Tinuro ni Arminius na Pwedeng Mawala ang Salvation Mo?

The Legend vs. The Reality

Sa theological circles dito sa Pilipinas, madalas nating marinig ang bangayan ng "Calvinist" vs. "Arminian." At kadalasan, kapag sinabing Arminian, ang image agad sa isip ng marami ay ito: "Tao ang gumagawa ng way para maligtas," o kaya naman, "Kailangan mong mag-effort para hindi mawala ang kaligtasan mo."

Ang tawag dito ay ang "Legend" ni Jacob Arminius. Ang akala ng marami, tinanggihan ni Arminius (1560–1609) ang Total Depravity (ang turo na totally corrupt ang tao dahil sa kasalanan). Ang akala nila, tinuro niya na may kakayahan tayong mag-meet halfway kay Lord gamit ang sarili nating "free will." Kaya ang conclusion: kung ikaw ang pumili na maligtas, ikaw din ang pwedeng pumili na umayaw at mawala ang salvation mo.

Pero mga kapatid, malayo yan sa totoong tinuro ni Jacob Arminius. Sa totoo lang, si Arminius ay mas malapit sa Reformation theology kaysa sa Roman Catholic works-salvation na nakasanayan ng marami.

Ang "Prank" sa Theology Class

May ginagawa akong little "trick" o experiment sa mga theology students ko noon. Inaamin ko, medyo may halong pang-aasar ito pero profound ang lesson.

Alam niyo naman na galing tayo sa background na metikuloso sa doktrina. So, ganito ang ginagawa ko: Nagpapalabas ako ng slide sa projector. Nakalagay ang picture ni John Calvin, tapos sa tabi nito ay isang quote tungkol sa sin at free will. Syempre, yung mga students na nag-iidentify as "Arminian" (o yung mga galit sa Calvinism), automatic na ang reaction: "Mali yan! Too much sovereignty! Walang freedom!"

Tapos, ipapakita ko ang quote na ito habang nakalagay pa rin ang mukha ni Calvin:

"Sa kanyang makasalanang kalagayan, ang tao ay walang kakayahan, sa kanyang sarili, na mag-isip, magnanais, o gumawa ng anumang tunay na mabuti... kailangan niyang ipanganak na muli (regenerated) at baguhin ng Diyos sa pamamagitan ni Kristo... upang siya ay magkaroon ng kakayahang umunawa at gumawa ng mabuti."

Tatanungin ko sila, "O, anong masasabi niyo dyan? Diba parang tinatanggalan kayo ng karapatan mag-decide?"

Bibira na ngayon yung mga estudyante. Sasabihin nila, "See? Kung Holy Spirit lang pala ang gagawa, paano na ang free will? Paano na ang utos ng Diyos na sumunod tayo?" Gigil sila eh.

At dito ko na pipindutin ang clicker. Boom.

Mapapalitan ang picture ni John Calvin at lalabas ang picture ni Jacob Arminius.

Gulat sila. Yung quote na kinokontra nila? Galing pala mismo kay Arminius! Doon nila nare-realize na yung pinaniniwalaan nilang "Arminianism" ay hindi pala turo ni Arminius, kundi turo na pala ng sarili nilang "natural free will" isang paniniwala na mas malapit sa Pelagianism (human ability) kaysa sa Bible.

Ang Tunay na Depravity Ayon kay Arminius

Eto ang dapat nating maintindihan: Si Jacob Arminius at ang mga legit na followers niya ay naniniwala sa Total Depravity.

Kapareho ng mga Calvinists at Lutherans, naniniwala ang Classic Arminianism na dahil sa Fall ni Adam, ang tao ay spiritually dead. Dead means dead. Wala tayong "natural na kabaitan" o "natural free will" para piliin ang Diyos. Kung walang gagawin ang Diyos, 100% tayong patungo sa impyerno.

Ang sabi ng theologian na si Roger Olson, ang totoong Arminianism ay hindi dinedeny ang Total Depravity. Ang tao ay "absolute need" ang grace ng Diyos para lang magkaroon ng kiting na desire na lumapit sa Kanya.

Kaya kung ikaw ay Kristiyano na nagsasabing, "Pinili ko si Lord kasi mabuti ang puso ko," o "Nasa tao ang gawa," sorry to tell you, kapatid, hindi ka Arminian. Iba ang tinuturo mo. Kasi para kay Arminius, Grace is absolutely necessary.

So, Ano ang Difference?

Kung parehong naniniwala sa Total Depravity, saan nagkatalo? Sa paraan kung paano dumarating ang Grace.

• Sa Calvinist view: Ang tawag ay Effectual Grace o Irresistible Grace. Pinipili ng Diyos ang Elect, binibigyan sila ng bagong puso, at siguradong mananampalataya sila.
  
  
• Sa Reformed Arminian view: Ang tawag ay Prevenient Grace (o Enabling Grace). Dahil sa cross ni Jesus, nag-extend ang Diyos ng grace sa mga makasalanan para ibalik ang kanilang kakayahang mag-responde. Ito ay biyaya na nagpapalaya sa ating "will" para makapili tayo to accept or reject.

So, ang "Free Will" sa Arminian theology ay hindi galing sa nature natin. Ito ay regalo ng Grace. Walang pwedeng mag-yabang.

\

Nawawala nga ba ang Salvation?

Eto ang hot topic sa mga Pinoy churches: "Once saved, always saved ba o hindi?"

Ang akala ng marami, dahil tinuturo ng Arminianism na pwedeng tumanggi ang tao sa grace, automatic na ibig sabihin ay pwede ring mawala ang salvation ng isang true believer.

Pero alam niyo ba na si Arminius mismo ay hindi sigurado dito? Sabi niya:

"Hindi ko kailanman tinuro na ang isang tunay na mananampalataya ay maaaring tuluyang tumalikod sa pananampalataya at mapahamak; ngunit hindi ko rin itatago na may mga passages sa Bible na parang ganun ang dating... at may mga passages naman na nagsasabing hindi."

Sa madaling salita, si Arminius ay nagkaroon ng attitude na: "Pag-aralan pa natin." Hindi siya dogmatic.

Sa history ng Arminianism, may tatlong pananaw na lumabas:

1) Pwedeng mawala ang salvation through negligence or sin (Ito ang common na paniniwala ngayon).

2) Hindi clear ang Scripture, so wag tayong maging kampante, matakot tayo sa Diyos (Classic View).

3) Once na-save ka by grace, sealed ka na forever unless sadyain mong itakwil ang Diyos o apostasy (Reformed Arminian view ito ang preferred natin).

Kaya wag nating isisi kay Arminius ang turo na "nag-mura ka lang, impyerno ka na ulit." Ang focus niya ay hindi fear, kundi ang necessity ng Grace.

Conclusion: It's All About Grace

Mga kapatid, maging Calvinist ka man o Reformed Arminian, ang bottom line ay ito: We are helpless sinners. Kung wala ang Diyos, wala tayong magagawa. Kung tayo ay nanampalataya, ito ay dahil sa Kanyang Enabling Grace. Kung tayo ay sumusunod, ito ay dahil sa Kanyang Sanctifying Grace. Kung tayo ay nananatili hanggang wakas, ito ay dahil sa Kanyang Sustaining Grace.

Tigilan na natin ang pagiging "feelingero" na kaya nating iligtas o i-maintain ang sarili nating kaligtasan. That is not biblical at hindi rin yan turo ni Arminius. Ang tunay na theology ay laging nagtuturo sa atin na magpakumbaba at sabihin: "Lord, kung hindi dahil sa Iyo, wala ako dito."

Yan ang tunay na yaman na nararamdaman sa puso.

Follow us:

Ronald Obidos' Pinoy Apologetics
https://www.facebook.com/roapologetics/

Help keep this content free for everyone. I am committed to sharing these truths and resources freely. If you have found value in my articles since 2021 and would like to partner with me in this ministry, your support on Ko-fi would be greatly appreciated. It helps cover the costs of maintaining this blog and creating new content.

❤️ Partner with me on Ko-fi