Hindi Ako Tumalikod — Bumalik Ako kay Cristo."
“Si Pastor Ronald, nagtampo lang.”
“Siya kasi, na-offend sa mga kapatid.”
“O baka naman gusto lang sumikat.”
Kung tutuusin, hindi na ako nagugulat. Kasi ganyan talaga kapag may isang umaalis sa loob ng isang sistema na matagal mong pinaniwalaan na siya lang ang “tunay na iglesia.” Parang may gustong magpaliwanag sa kanila na imposibleng mali tayo, kaya dapat may mali sa kanya.
Pero kung ganyan ang pamantayan ng katotohanan na kung sino ang umaalis, siya agad ang traydor eh di sana si Martin Luther, si John Wycliffe, si Tyndale, si Calvin, at lahat ng Reformers ay mga traydor din, ‘di ba? Kung iyan ang sukatan, si Abraham na tumalikod sa Ur of the Chaldees ay “lumalaban sa relihiyon ng kanyang pamilya.” Pero hindi! He was leaving error to follow truth.
“Tampuhan lang daw?”
Kung pagtatampo lang ang dahilan ng pag-alis ko, dapat matagal na akong umalis kasi sa loob ng 24 years ko bilang Adventist evangelist at debater, ilang beses na rin akong nasaktan, tinrato ng mali, o hindi pinansin ng mga pinuno. Pero bakit ako nanatili noon? Kasi noon, akala ko, truth was still with the system. Ang “pagtatampo” ay para sa mga baguhan, hindi sa mga taong sinubok na ng panahon. Hindi ka umaalis sa isang bangka dahil naiinis ka sa kapitan umaalis ka kapag alam mong may butas na ito at lulubog na.
“Babalik pa ba ako sa SDA?”
Let’s be real. Kung ang SDA church ay tunay na church ni Cristo bakit napakaraming dating pastor, theologian, at layperson ang unti-unting umaalis? Bakit sila mismo, na mas matagal pa kaysa sa akin, ay natuklasang hindi pala umaayon sa Biblia ang mga aral ni Ellen White at ng SDA distinctive doctrines?
Nabasa ko ang Pasugo ng INC, pero nabasa ko rin ang Spirit of Prophecy ng SDA at alam mo ba ang pinagkaiba? Parehong may “extra-biblical authority.” Kung si Felix Manalo ay “sugo,” si Ellen White naman ay “propeta.” Pero tanungin natin: kailan pa nagkaroon ng karapatan ang sinumang tao na dagdagan o baguhin ang Salita ng Diyos? Kung ang “light” na sinasabi mo ay taliwas sa liwanag ng Kasulatan, anong tawag doon revelation o deception?
“Hindi Personal, Doctrinal Lang.”
Walang personal vendetta dito. Walang tampuhan. Walang selosan. Ito ay tungkol sa truth vs tradition. Kasi paano ka mananatili sa loob ng isang simbahan na itinuturo na ang kasalanan mo ay “forgiven” pero hindi pa “blotted out” hanggang matapos ang “Investigative Judgment” na nagsimula daw noong October 22, 1844 isang petsang kinuha mula sa maling kalkulasyon ng offshoot Jewish religion na Karaite calendar?
Kung si Cristo ay nagsabi na “It is finished” (John 19:30), bakit itinuturo pa rin ng SDA na “hindi pa tapos”? Ibig bang sabihin, mali si Jesus? O baka mali ang inyong propeta? At kung “ang dugo ni Cristo ay sapat,” bakit kailangang dumaan pa sa “heavenly investigative review” bago mapatawad ng buo? Is that grace or probationary legalism?
“Kung Totoo ang SDA, Handang Mamatay Ako Diyan.”
Sinabi ni Jesus sa Mateo 10:28,
“Huwag kayong matakot sa mga pumapatay ng katawan, kundi sa Diyos na may kakayahang puksain pati kaluluwa sa impiyerno.”
Kung tunay na chuech ni Cristo ang SDA, kayang-kaya kong ipaglaban ito hanggang kamatayan. Pero kapag nakita mong ang pundasyon ay gawa sa buhangin ng maling propesiya at self-righteousness, mananatili ka pa ba? Mananatili ka ba sa bahay na alam mong guguho na? Ang SDA ay nagtuturo ng faith plus Sabbath, grace plus obedience, Christ plus Ellen White. Pero sinabi ni Pablo,
“Kung ang katuwiran ay sa pamamagitan ng kautusan, walang kabuluhan ang kamatayan ni Cristo.” – Galacia 2:21
“Hindi Denomination ang Nagliligtas — Si Cristo Lang.”
Kung identity mo ay nakatali sa denominasyon, hindi sa Diyos, tanungin mo sarili mo:
“Kung mawala ang denominasyon mo, mananatili pa ba si Cristo sa’yo?”
Sabi ni Jesus,
“Ang sinumang nagmamahal sa ama, ina, anak, o buhay higit sa Akin ay hindi karapat-dapat sa Akin.” – Mateo 10:37-38
Hindi mo kailangang manatili sa maling simbahan para lang makuntento ang pamilya mo. Hindi mo kailangang ipagpalit ang katotohanan sa tahimik na konsensya. Kasi sa dulo, hindi titignan ni Cristo kung anong pangalan ng iglesia mo kundi kung sino ang Panginoon ng puso mo.
A Call to Courage
Kapatid, kung nararamdaman mo na parang may mali, huwag mong takasan ang konsensya mo. Kung alam mong may butas na sa doktrina, huwag mong takpan ng denominational loyalty. Huwag kang matakot sa sasabihin ng tao. Mas nakakatakot ang manahimik sa harap ng katotohanan.
Sabi ni Cristo,
“Ang sinumang magbigay ng kanyang buhay alang-alang sa Akin ay makakamit ang buhay na walang hanggan.” – Juan 12:25
Kaya kung tinatawag ka ng Diyos na lumabas sa dilim, wag mong hintayin na may lumapit sa’yo at hilahin ka. Lumakad ka. Kasi minsan, ang tunay na paglabas ay hindi rebelyon kundi pagsunod.
Final Thoughts
Ang pag-alis ko sa SDA ay hindi pagtataksil ito ay pagbabalik sa sentro ng Ebanghelyo. Hindi ito pagtatampo ito ay pagtindig para sa katotohanan. Hindi ito paglayo kay Cristo ito ay paglapit sa Kanya nang walang hadlang ng denominasyonal na doktrina. At sa lahat ng nagtatanggol pa rin sa mga aral ng SDA mahal ko kayo, pero mas mahal ko ang katotohanan.
Sapagkat sabi ni Cristo:
“Makikilala ninyo ang katotohanan, at ang katotohanan ang magpapalaya sa inyo.” – Juan 8:32
Former Adventists Philippines
No comments:
Post a Comment