Pastor Ronald, bakit itinuturing ng mga Sabadista si Ellen G. White bilang isang "a continuing and authoritative source of truth"?

Galing ito sa isang kapatid natin na itatago natin sa pangalang “Bro. Ben,” isang Seventh-day Adventist sa loob ng 11 years mula Pampanga.

Sabi ni bro. Ben:

“Pastor, gusto ko lang po maging open-minded sa lahat ng information. Ayokong maging bias ayoko maging defender o attacker ng SDA. Gusto ko lang po hanapin ang katotohanan. Sa tingin ko po, walang perfect na doktrina sa kahit anong church, dahil ang infallible lang ay Scriptures. Naniniwala ako na mas makikilala ko ang church namin kung babasahin ko rin ‘yung mga isinulat ng mga walang tinatago. Kaya nagpapasalamat po ako sa inyo kasi marami akong natututunan at gusto ko pang magbasa. Pinagpepray ko po kayo, pastor.” 

Siyempre, nagpaalam ako kung puwedeng i-share itong Bible study namin dito sa blog at pumayag siya basta’t huwag banggitin ang tunay niyang pangalan. At alam ko gaya ni bro. Ben ay marami pang Seventh-day Adventist members na bukas ang isip at gutom sa katotohanan. Kaya simulan na natin.

Ano ba talaga ang ibig sabihin ng “Infallible Source of Truth”?

Ang salitang “infallible” ay nangangahulugang “hindi nagkakamali at hindi kailanman magkakamali.” Kaya kapag sinabi mong “infallible source of truth,” ibig sabihin niyan ay isang pinagmumulan ng katotohanan na laging tama at hindi pwedeng magkamali.

Para sa mga conservative evangelical Christians, ang Biblia lamang ang maituturing na infallible source of truth. Bakit? Kasi ito lang ang Spirit-inspired Word of God (2 Tim. 3:16). Wala nang iba. Hindi mo na kailangang maghanap ng karagdagang “divine writings” para maintindihan ang kaligtasan.

The Bible is sufficient, final, and complete.

Pero paano naman ang Seventh-day Adventist view?

Bagama’t hindi nila diretsong sinasabing “infallible” ang mga sinulat ni Ellen G. White, sa kanilang official belief #17 at #18, tinawag nila itong “a continuing and authoritative source of truth.” Ang ibig sabihin, sa praktikal na pananampalataya ng mga SDA members, ang mga sulat ni Ellen White ay may kaparehong bigat ng awtoridad gaya ng Biblia dahil pareho raw silang inspired ng Holy Spirit.

So kung parehong Spirit-inspired ang Biblia at si Ellen White, natural lang na pareho rin silang infallible kung gagamitin mo ang sariling logic ng SDA theology. Otherwise, contradiction ‘yon.

Ang Problema sa View na ‘Yan

1. Kung inspired din si Ellen White gaya ng mga apostol, bakit hindi isinama ang mga isinulat niya sa canon ng Scripture? Ang mga isinama sa canon ay tanging mga akdang may direktang divine authority para sa lahat ng panahon.
   
   
2. Kung “continuing source of truth” si Ellen White, lalabas na meron tayong dalawang infallible authorities, the Bible and Ellen White. Pero sa Sola Scriptura ng Reformation, isa lang dapat ang Biblia.
   
   
3. Hindi sapat na sabihin na “non-canonical pero inspired.” Kasi kung totoong inspired ng Holy Spirit, hindi pwedeng non-canonical. The Spirit doesn’t produce half-inspired or optional truth.

Ang Bottom Line

Ang “infallible source of truth” ay ang Biblia lamang. Hindi ito ang church, hindi ang tradition, at hindi rin ang mga isinulat ni Ellen White o sinumang “modern prophet.” Ang Scripture alone ang kaisa-isang God-breathed (theopneustos) word na sapat para sa ating kaligtasan at pananampalataya (2 Tim. 3:16–17).

Kaya, kung tunay kang naghahanap ng infallible truth, bumalik ka sa Salita ng Diyos hindi sa mga aklat ng tao, kahit pa sinasabing “inspired.”

Closing Thought:

“Ang Biblia ay hindi kailangan dagdagan, depensahan, o ayusin ng sinuman. Hindi ito parang cellphone app na kailangan ng update. Ito ay kumpleto, totoo, at buhay dahil ang Diyos na nagsalita noon, Siya rin ang nagsasalita ngayon.” 

---

Former Adventists Philippines

“Freed by the Gospel. Firm in the Word.”

For more inquiries, contact us:

Email: formeradventist.ph@gmail.com

Website: formeradventistph.blogspot.com

Facebook: https://www.facebook.com/groups/formeradventistph