Ang article na ito ay isang karagdagang commentary para sa Former Adventist Fellowship Philippines Bible study group every Thursday at 7:30 pm na pinapangunahan ni Ptr. Ronald Obidos. Layunin ng article na ito na mas lalong lumawak pa ang unawa ng mga members ng FAFP-CIJ tungkol sa plano ng kaligtasan ayon sa Biblia.
Introduction
Namatay at nag-dusa si Jesus sa krus, ngunit higit pa doon ano ang natamo ng Kanyang pagpapako sa krus? “Atonement” o "Pagbabayad-sala" ang tawag sa kung ano ang na-accomplish ni Kristo sa pamamagitan ng Kanyang pagpapako sa krus. Sa may libu-libong taon na ng Christian church, hindi tayo dapat magulat sa napakaraming mga pagtatangka na ipaliwanag ang dokrina ng atonement. Ang maraming mga paliwanag na ito ay tinatawag na "atonement theories”. Sa article na ito ay ipapaliwanag ko ang doktrina ng “Penal Substitution” na siyang Bible-based na pag-unawa sa atonement. Pagkatapos ay iisa-isahin ko ang ilan sa pinakasikat na mga teorya ng atonement mula sa kasaysayan ng iglesia na hayagang sumasalungat sa penal substitution. Maliban sa penal substitution, bawat teorya ng atonement ay maling pag-unawa sa Bible based na turo tungkol sa krus. Ang doktrina ng penal substitution ay ang sentro na nagbubuklod sa lahat ng iba pang mga turo ng tungkol sa krus. Sa madaling salita, bawat teorya ng atonement ay isang pagtatangka na isawalang-bahala ang isang mahalagang aspeto ng ginawa ni Kristo sa krus, ngunit ang penal substitution ay wastong inuugnay ang bawat aspeto sa kabuuan.
Penal Substitutionary Atonement
Ito ang paniniwala na si Kristo ay nagbayad ng parusa (kaya, penal) bilang isang kapalit (kaya, substitutionary) para sa mga makasalanan. Siya ay namatay sa ating lugar. Ang parusa ay nagmula sa galit ng Diyos sa kasalanan at sa mga makasalanan. Ang moral na character ng Diyos ay nangangailangan na ang Kanyang galit ay mapawi sa pagpaparusa sa kasalanan. Ang ideya ng substitutionary ay makikita sa Old Testament na sistema ng paghahain ng handog kung saan ang mga tao ng Diyos ay nag-aalay ng mga hayop bilang mga hain upang mapawi ang Kanyang galit. Ang mga hain na ito ay maliwanag na natupad kay Jesu-Kristo, "ang Kordero ng Diyos, na nag-aalis ng mga kasalanan ng sanlibutan" (Juan 1:29). Si Jesus ay inialay upang mapawi ang galit ng Diyos. Ang resulta ay lubos na nasatisfy kay Jesus ang galit ng Diyos at ito napawi na mula sa mga sumasampalataya sa Kanya. Ang ideyang ito ay naipahayag mula pa noong sinaunang panahon, at ito ay nagliwanag-muli sa panahong ng Protestant Reformation noong 16th century. Ito ang sentro kung saan lahat ng aspeto ng atonement ay nagmumula.
The Ransom Theory
Ang ransom theory ay nagtuturo na nagbayad ang Diyos ng ransom kay Satanas upang ang mga tao ay makalaya mula sa pagkaalipin ni Satanas. Ipinapakita ng mga tagapagtaguyod nito na ang kamatayan ni Cristo ay bilang bayad ng Diyos kay Satanas. Inakala ni Satanas na maaari niyang panatilihin si Cristo sa kamatayan ngunit nagulat siya nang muling mabuhay si Cristo. Sa isang kahulugan, nautakan ng Diyos si Satanas upang palayain ang sangkatauhan mula sa pagkabihag. Ang teoryang Ito ay binuo ni Origen noong ikatlong siglo. Ginagamit na batayan ng mga tagapagtaguyod ng teoryang ito ang 1 Corinto 6:20 na nagsasabi na tayo ay binili ng isang halaga. Pinalilitaw ng ransom theory na ang bayad ay napunta kay Satanas.
Ang ransom theory ay hindi makikita sa Kasulatan. Oo, ang sanlibutan ay nadaya ni Satanas. Oo, inalok ni Cristo ang Kanyang sarili bilang isang ransom para sa mga makasalanan. Oo, ibabagsak ni Cristo ang lahat ng kapangyarihan ni Satanas. Ngunit ang sabihin na si Cristo ang ibinayad kay Satanas o sabihin na hindi napawi ni Cristo ang poot ng Diyos ay tahasang sumasalungat sa Kasulatan. Binabalewala nito ang makatarungang mga kahilingan ng kabanalan ng Diyos, at ito ay nagpapakita kay Satanas bilang isang napakalakas at makapangyarihan. Walang utang ang Diyos kay Satanas kundi ang walang hanggang kapahamakan sa impiyerno. Sa halip na inialok si Jesus bilang isang ransom kay Satanas, si Jesus ay inialok ng Diyos sa Diyos. Ang atonement ay isang Trinitarian na kaganapan. Hinihingi ng Diyos ang kamatayan para sa ating mga kasalanan, at binayaran iyon ni Jesus. Siya ang ating ransom.
The Example Theory
Ang example theory ay naging popular sa ika-labing anim na siglo. Ipinangaral ito nina Faustus at Laelius Socinus, ito ay kilala rin bilang Socinian theory. Tinatanggihan nito na namatay si Kristo upang bayaran ang ating mga kasalanan. ang mga tagapagtaguyod ng teoryang ito ay naniniwala na namatay si Jesus upang magbigay ng isang halimbawa para sa mga tao na dapat sundin. Kaya tinawag itong “Example Theory.”, Lubos na pinagkatiwalaan ni Kristo ang Diyos kahit hanggang sa kamatayan, kaya dapat nating sundin ang Kanyang halimbawa. Ayon dito. itinuturo sa atin ng kamatayan ni Jesus na sundin ang Diyos kahit na ito ay napakahirap. Ang mga tagapagtaguyod nito ay ginagamit ang 1 Pedro 2:21 at 1 Juan 2:6 upang patunayan ang kanilang ideya.
Tama ang teoryang ito na bigyang-diin na si Kristo ay isang halimbawa natin. Ang Kanyang pagsunod hanggang sa kamatayan ay nag-uudyok sa atin tungo sa pagsunod. Gayunpaman, itinatanggi ng teoryang ito ang guilt ng ating kasalanan, at itinatanggi rin nito ang katarungan ng Diyos upang parusahan ang makasalanan. Ginagawang nitong walang saysay at walang pakinabang ang ginawang pagsunod ni Jesus. Sinunod ni Kristo ang Diyos hanggang sa punto ng kamatayan dahil mahal ng Diyos ang mga tao at inialok ang Kanyang Anak kahalili Binili Niya tayo sa pamamagitan ng Kanyang dugo, at ang bayad na iyon, ang Kanyang pagsunod hanggang kamatayan sa krus, ay nagliligtas sa atin mula sa kasalanan at samakatuwid ay pumupukaw ng pagsunod sa ating mga puso. Kapag mali ang unawa sa pantubos na ito ay hindi makikita ang buong kahulugan ng halimbawa ni Kristo.
The Moral-Influence Theory
Ang mga tagapagtaguyod ng moral influence theory ay naniniwala na namatay si Kristo upang ipakita ang pag-ibig ng Diyos. Ang mapagmahal na kamatayan ni Kristo ay dapat lumikha sa ating mga puso ng pagiging bukas sa Diyos. Hindi nangangailangan ang Diyos ng bayad para sa kasalanan. Sa halip, kailangan ng mga tao na maging mas kumportable sa Diyos. Sa teorya ito, ang kaginhawahan na iyon ay nagmumula sa pag-alam na nakikilala ng Diyos ang ating kalagayan sa pamamagitan ng kamatayan ni Kristo. Unang nai-develop ito noong ika-labindalawang siglo ni Peter Abelard, ngunit nanatiling hindi gaanong kilala hanggang sa ipinakalat ito ni Horace Bushnell at Hastings Rashdall noong ika-labinsiyam na siglo.
Ang mga tagapagtanggol ng teoryang ito ay nagbibigay ng matinding pagdidiin sa pag-ibig ng Diyos sa kabila ng kabanalan at katuwiran ng Diyos. Sa pagbibigay-diin sa hindi pagkakasundo ng tao sa Diyos dahil sa kasalanan, hindi nila binabanggit na ang matuwid na galit ng Diyos sa sangkatauhan dahil sa kasalanan ay dapat mapawi. Ang sangkatauhan ay hindi komportable sa Diyos dahil ang sangkatauhan ay mga rebelde laban sa Diyos. Kaya oo, ang krus ay nagpapakita ng pag-ibig ng Diyos at nag-aakit sa atin patungo sa Diyos. Ngunit kung hindi natin makita na si Kristo ay namatay bilang kapalit ng mga makasalanang rebelde, ay hindi natin makikita ang buong kahulugan ng pag-ibig ng Diyos.
The Governmental Theory
Ang teoryang ito ay nagpapakita ng kamatayan ni Kristo bilang pangunahing isang paraan upang maiwasan ang kasalanan. Sinasabi ng mga tagapagtaguyod na may karapatan ang Diyos na parusahan ang kasalanan ngunit hindi Siya obligadong gawin ito. Para sa pinakamabuting kapakanan ng sangkatauhan, namatay si Kristo upang ipakita kung gaano kasama ang kasalanan. Sa teoryang ito, kapag naiintindihan ng mga tao ang lagim ng kamatayan ni Kristo, dapat silang mahikayat na lumayo sa kanilang mga kasalanan at lumapit sa Diyos. Pinatatawad ng Diyos ang mga nagbabalik-loob mula sa kasalanan, ngunit hindi ang kamatayan ni Kristo ang batayan ng kapatawarang iyon. Pinatatawad lamang ng Diyos dahil kaya Niya. Ang pananaw na ito ay binuo ni Hugo Grotius noong ika-labimpitong siglo.
Si Kristo ay naglingkod bilang halimbawa ng paghatol ng Diyos sa mga makasalanan dahil tinanggap niya ang paghatol ng Diyos sa mga makasalanan, bagaman wala siyang kasalanan. Sa ating lugar, siya ay namatay. Ang mga hindi nagsisisi ay magdurusa ng matinding pahirap sa buong walang hanggan. Hindi iyon dahil ang Diyos ay makapagparusa sa mga tao, na tiyak na kaya at gagawin niya, kundi dahil ang Diyos ay nararapat magparusa sa mga tao. Hindi lamang ipinakita ng Diyos ang kanyang galit kay Kristo, kundi pinarusahan niya rin siya. Minamaliit ng governmental theory ang kasamaan ng kasalanan, nagpapababa sa pag-ibig at kabanalan ng Diyos, at inilalarawan ang gawa ni Kristo bilang mas mababa pa sa palamuti lamang. Kung mali ang unawa ng isa sa kahulugan ng kabayaran ni Kristo para sa kasalanan ay hindi natin makikita ang lagim ng kanyang kamatayan at ang lalim ng Kanyang pag-ibig sa atin bilang pantubos sa ating mga kasalanan.
Conclusion
Maraming naglitawan na mga teorya ng atonement sa buong kasaysayan ng Kristiyanismo na bunga ng maraming mga malikhaing mga isip ng mga tao.. Tulad ng bawat doktina, ang mga teorya ng atonement ay dapat na sukatin sa pamantayan ng Kasulatan. Sa paggawa nito, makikita natin na ang bawat teorya na nabanggit sa itaas ay isang tangka na mas bigyang-diin ang isang lamang aspeto ng karakter at gawa ng Diyos sa ikapipinsala ng buong kahulugan ng kaligtasan sa krus. Ang pagpapahayag ng isang aspeto lamang ng atonement ay tulad ng pagsasabi na ang bahaghari ay kulay-ube, ngunit hindi asul, hindi dilaw, hindi berde, atbp. Sa halip, kapag nauunawaan natin na ang penal substitution ay ang sentro ng atonement, ay nakikita natin ang buong spectrum ng kagandahan ng plano ng Diyos. Ito ay tulad ng pagkakakita sa buong bahaghari ng kulay at kung paano nauugnay ang bawat kulay sa iba, sa halip na makita lamang ang isang kulay sa kapinsalaan ng iba. Ang kaluwalhatian ng Diyos ay nalalaman natin nang buo kapag kilala natin Siya nang lubusan. Kung maunawaan ng tama ang atonement ay maunawaan natin kung sino ang Diyos.
No comments:
Post a Comment