Question: "Pastor Ronald, ano po ba ang tamang interpretation ng Daniel 7:24-25 at bakit mali ang paliwanag ng mga SDA?"

Answer:

Ang Daniel 7:24–25, ay tumutukoy sa “sampung sungay” at sa “isa” na babangon pagkatapos nila. Iyan ay bahagi ng pangitain ni Daniel tungkol sa apat na halimaw, na sumasagisag sa apat na imperyo (Babylon, Medo-Persia, Greece, at Rome).

Paliwanag mula sa Biblical na pananaw

Sa mas biblical na pananaw, ang karamihan sa mga propesiya ng Daniel at ng Aklat ng Apocalipsis ay natupad na sa unang siglo, partikular sa panahon ng Imperyo ng Roma at ng mga unang pag-uusig sa mga Kristiyano.

Daniel 7:24

“At tungkol sa sangpung sungay... sangpung hari ang babangon; at ang isa’y babangon kasunod nila...”

Sa mas biblical na pananaw, ang sampung sungay ay tumutukoy sa sampung emperador ng Roma, mula kay Julius Caesar hanggang kay Vespasian. Ang “isa”  o "Little Horn" na kakaiba sa mga una ay tumutukoy kay Nero Caesar, dahil:

• Siya ay naging mas marahas at kakaiba sa mga naunang emperador.

• Siya ang unang sistematikong umusig sa mga Kristiyano (AD 64–68).

• Sa kanyang panahon, pinatay sina Pedro at Pablo, at sinunog ang mga Kristiyano bilang mga “lampara” sa kanyang hardin.

Daniel 7:25

“At siya’y magbabadya ng mga salita laban sa Kataastaasan... at lilipulin niya ang mga banal ng Kataastaasan...”

Ito ay malinaw na tumugma kay Nero, ayon sa history at biblical context interpretation:

• Siya ay lumaban sa Diyos sa pamamagitan ng kanyang mga pag-aangkin ng pagiging “diyos” at sa kanyang paglapastangan.

• Pinapatay niya ang mga banal (mga Kristiyano).

• Ang “pag-iisip na baguhin ang panahon at ang kautusan” ay tumutukoy sa kanyang pagtangkang kontrolin ang relihiyon at moralidad ng Roma, pati na rin ang pagtanggal sa mga Kristiyanong alituntunin.

• Ang “isang panahon, mga panahon, at kalahati ng isang panahon” ay tinuturing ng mga Bible scholars na tatlo’t kalahating taon eksaktong haba ng pag-uusig ni Nero laban sa mga Kristiyano (AD 64–68) bago siya mamatay.

Bakit mali ayon sa Bible at History ang paliwanag ng mga SDA (Seventh-day Adventists)?

Ang SDA interpretation ay historicist naniniwala sila na ang propesiya ay natutupad sa kasaysayan sa loob ng maraming siglo, hindi sa unang siglo. Para sa kanila:

• Ang maliit na sungay ay Papacy (Papa ng Roma).

• Ang “pagbabago ng panahon at kautusan” ay tumutukoy sa pagbabago ng araw ng pagsamba (Sabbath to Sunday).

Ngunit ayon sa mga context ng Bible at history, ito ay maling interpretasyon dahil:

1. Ang konteksto ng Daniel 7 ay panahon ng mga unang imperyo (Babylon hanggang Rome) hindi Middle Ages.

2. Ang ikaapat na halimaw ay malinaw na Roma, at ang “maliit na sungay” ay isang hari sa loob ng imperyo, hindi isang religious institusyon tulad ng Papacy.

3. Ang timeline (“isang panahon, mga panahon, at kalahati ng isang panahon”) ay tumutugma sa isang tiyak na yugto ang pag-uusig ni Nero.

4. Ang wika ng Daniel ay apocalyptic (symbolic) at dapat bigyang-kahulugan ayon sa unang-century context, hindi libu-libong taon pagkatapos.

Buod

Simbolo	Partial Preterist Meaning	SDA Interpretation
Sampung sungay	Sampung emperador ng Roma	Sampung kahariang lumitaw mula sa Roma
Maliit na sungay	Nero Caesar	Papacy
Panahon, mga panahon, kalahati	3.5 taon ng pag-uusig ni Nero	1260 taon ng kapangyarihan ng Papa
Lilipulin ang mga banal	Pag-uusig sa mga Kristiyano	Pag-uusig ng Papa sa “mga tapat”
Baguhin ang panahon at kautusan	Pagtatangka ni Nero sa moral/religious laws	Pagpalit ng Sabbath sa Linggo

---

Former Adventists Philippines

“Freed by the Gospel. Firm in the Word.”

For more inquiries, contact us:

Email: formeradventist.ph@gmail.com

Website: formeradventistph.blogspot.com

Facebook: https://www.facebook.com/groups/formeradventistph